Shërbimi i Kontrollit të Brendshëm në Sistemin e Burgjeve shpall vendet vakante për pozicionet e punës si më poshtë:
- Inspektor pranë IEVP Mine Peza / Sektori i Hetimit Tiranë, Durrës dhe Fushë-Krujë
- Inspektor pranë IEVP Korçë/ Sektori i Hetimit Elbasan, Korçë, Peqin, Rrogozhinë, Kavajë dhe Pogradec
- Inspektor pranë IEVP Lezhë/ Sektori i Hetimit Lezhë, Shkodër, Kukës dhe Burrel.
- Inspektor/Specialist i Sektorit të Policisë Gjyqësore
- Specialist/mirëmbajtës
- Vëzhgues Terreni/Sektori Operacional, Teknikës dhe Vëzhgimit
- Përgjegjësi i Sektorit të Monitorimit dhe Trajtimit të Ankesave
- Përgjegjës i Sektorit të Hetimit Elbasan, Korçë, Peqin, Rrogozhinë, Kavajë dhe Pogradec
- Përgjegjës Sektori në Sektorin e Policisë Gjygjësore.
Bazuar në Ligjin 9397 datë 12.05.2015 “Për Shërbimin e Kontrollit të Brendshëm në Sistemin e Burgjeve, aplikantët duhet të plotësojnë kriteret si më poshtë:
Kërkesat e përgjithshme të pranimit në SHKBB
Për t’u pranuar në SHKBB mund të kandidojë shtetasi shqiptar që përmbush kërkesat e përgjithshme, si më poshtë:
a) ka zotësi të plotë për të vepruar;
b) ka arsimin përkatës;
c) nuk është dënuar me vendim të formës së prerë për vepra penale të kryera me dashje;
ç) ndaj tij nuk është marrë masa disiplinore e largimit nga puna ose nga shërbimi civil, për shkak të një shkeljeje të rëndë disiplinore;
d) ndaj tij nuk është marrë masë tjetër disiplinore ose administrative, që nuk është shlyer dhe, në çdo rast, së paku deri në tre vjet përpara datës së paraqitjes së kërkesës për pranim.
Parime të konkurrimit dhe të përzgjedhjes së kandidatëve
1. Pranimi në SHKBB kryhet nëpërmjet konkurrimit të hapur, mbështetur në parimet e profesionalizmit, të aftësive të veçanta, cilësive të larta morale, ndershmërisë dhe përkushtimit ndaj detyrës.
2. Kandidatët për t’u pranuar në SHKBB përzgjidhen, si rregull, ndërmjet punonjësve në detyrë në sistemin e Policisë së Burgjeve, Policisë së Shtetit, në struktura të tjera policore ose të atyre që kanë përvojë në ushtrimin e detyrave profesionale në shërbimet informative.
3. Sipas përshkrimit të veçantë të vendit vakant të punës, në kriteret e konkurrimit parashikohen edhe kritere të posaçme preferenciale për llojin e arsimit të lartë, policor ose civil, përvojën dhe kualifikimet e nevojshme në shërbime informative dhe në detyra të tjera, që kanë të bëjnë me verifikimin, gjurmimin, zbulimin dhe hetimin paraprak penal të shkeljeve të ligjit.
Proceduara e aplikimit
-Aplikanti dërgon kërkesën për vendin vakant dhe një CV në rrugë elektronike në adresën info@shkbb.gov.al ose pranë sekretarisë/protokollit të Drejtorisë së Shërbimit të Kontrollit të Brendshëm në Sistemin e Burgjeve, me adresë: Rruga. Mihal Duri, Tiranë.
Afati për fillimin dhe përfundimin e aplikimit
Afati i aplikimit fillon në datë 12.05.2025 dhe përfundon në datë 27.06.2025.
Pas kësaj datë nuk pranohen më aplikime.
Aplikantët e përzgjedhur do të njoftohen në rrugë elektronike për procedurën përkatëse në vijim.
Kandidatët e përzgjedhur duhet të paraqesin në vijim dokumentacionin si më poshtë:
- Kërkesë për aplikim
- CV
- Fotokopje të kartës së identitetit
- Kopje origjinale ose fotokopje e noterizuar e cikleve të studimit e shoqëruar me listë-notash
- Çertifikatë e gjendjes gjyqësore (dëshmi penaliteti)
- Dy fotografi me përmasa 4X6 dhe dy fotografi me përmasa 9X13
- Vërtetim nga përmbarimi gjyqësor, prokuroria dhe gjykata që nuk është në ndjekje penale.
- Raport mjeko-ligjor.